Pueblecito hablador

2006-06-20T03:27:00.000-07:00

Opá y el Mundial

Nun me gusta muncho, pero ayer fuime a ver el partiu de la selección al chigre, junto con los jubilatas y los paisanonos de siempre. Vas a lo que vas y sabes que nun pues tar tranquilu; joder, tampoco ye el cine. Pero una cosa ye discutir, comentar, animar, criticar y otra ye escuchar na más que babayaes, a los voceras de siempre que te dejan mediu sordu. To tien un límite.

Nun ye que yo sepa muncho de fubol pero sé que ye un fuera juegu, una permutación y un sistema de juegu. La inmensa mayoría critica, chilla, grita pero nun sabe ni lo que diz. Otros discuten por discutir y en ocasiones, si se pusieran de acuerdo de qué tan discutiendo pues acabarían les voces antes de empezar. Les mis oreyes lo agradeceríen.

Por cierto, nun entiendo tovía porque nun se ponen los medios necesarios para controlar por medio de la ténica coses como el fuera de juegu y los goles fantasmas. Ye tan fácil como poner un dispositivo que pite si el balón entró por completo. Del fuera juegu, que dejen seguir la juga mientras alguien desde un ordenador la analiza; que hubo fuera juegu, se anula. To ello nun creo que interrumpa na el juego y tos saldríamos ganando.

Pos allí taba yo viendo xugar a la selección: voces, gritos, babayaes y los tontos de siempre tocando los güevos. Ye que nun se pue tar tranquilu en ningún lau. Que ye lo que os dicía: nun tamos en el cine donde hay que tar en silencio, pero tampoco ye pa que los decibelios y les chorraes que oyes te dejen tocau pa to la noche.

La xente ta un pelín entusiasmau con la selección. A mí no me paez que la cosa sea pa tanto. Ganemos a Ucrania y tamién a Tunez. Tenemos mexor selección, ye verdá, pero ante Ucrania pareciome que además de merecelo tuvimos un poco de suerte. Nun me parecieron que los goles fueren muy claros, más me parecieron de churru, sin que hubiera remates precisos, en xeneral digo. Tampoco hay que olvidar que un puquitín de ayuda tamién tuvimos, aunque nun creo que en esta ocasión necesitáramosla.
Ante Túnez, pues al principiu pasemóslo mal, pero luego to se arregló. Pienso yo que estes selecciones árabes y africanes tienen buenos jugadores, pero faltalos experiencia. Tamién, en xeneral, les defenses dejen muncho que dexear y sobre to los guardametas. En fin, que ganemos, como un podía ser de otra forma.

Nun sé donde llegaremos porque yo creo que nun hemos empezao el mundial tovía. Ya, ya sé que nun hay enemigu pequeñu en un mundial ni en ningún campeonatu, to pue pasar, pero pa mí nun hemos tropezao tovía con una selección de fubol; cuando eso pase, ya veremos.

El rollu pa mí ye que tos nos quieren vender ilusión. Nun fai falta que lo fagan porque dentro de nosotros siempre hay una pequeña lluz que aumenta de intensidad según ganamos partidos. Espero que como siempre, nun llegue cuartos y se nos apague por completo. Pero tos parecen vendenos la moto, que xugamos bien, que si marcamos goles, que si podemos llegar muy lejos, que si patatín que si patatán. Claro que, pa mí, esa ilusión que nos trasladan por to los laos ye interesa... En to hay negocio y ya no ye sólo divertir, informar, ye vendete to lo que puean.

Lluego, vienen les celebraciones... La xente sal a la calle, grita, canta, coge una buena tallá, se tira a les fuentes; venga jarana... Ye curioso como la xente se apunta a too; basta que haya una excusa para que la xente se eche a la calle a celebralo... venga fiesta. Nun digo yo que te mal, que por ganar España tengamos que apuntanos a un cursillo de meditación trascendental, hacenos budistas o tomar por asaltu toes les iglesies paa con nuestros rezos dar gracies al altísimo. Pero bueno, yo soy el primeru que toi contentu, pero nun ye creo pa tirar volaores; home, si ganáremos nosotros, consiguiéramos fama y tamién les primes, ya sería otra cosa.

Al marxen de tantes celebraciones, que no entiendo que llegen hasta tal puntu, pero que si respeten a los demás, me paecen muy bien, pues digo que lo gracioso ye que a elles se apunte to quisqui. Toi seguru que si ganáremos una competeción mundial de carreres de caracoles, empezarien a salir aficionaos por to los laos, aunque nun supuieren ni lo que ye un caracol. Lo importante ye la fiesta.

Por cierto, parece que nostradamus ya predijo la victoria de España en esti mundial, jejeje. Tengo que mirar a ver si entre sus supuestes predicciones, en alguna centuria trai algo de si les mis lechugues van a espigar esti añú. Ya os contaré...

2006-06-19T15:52:00.000-07:00

Nun sé si os hablé ya de mi pueblu... Pos na... Ye un pueblu pequeñín rodeau de montañes; tamos como encajonaos. Ye tan pequeñu que algunos guajes que nacen aquí si nos descuidamos un poco nacen en el pueblu del lau. Xenaru diz que nun habría problemas si les muyeres parieran de pie... siempre que nun sea en cuesta, claro.

Anantes teníamos muncha población, muchos chigres, tiendes, hasta un cine. Ahora ya nun queda casi na de todo aquello. Les mines de carbón que había fueron cerrando poco a poco y la xente emigró. Los chavales cuando se hicieron grandes marcharon pa la ciudá. Yo nun creo que eso sea bueno pa naide. Metese en un piso con una hipoteca pa pagar to la vida ye un sin sentiu. Ye mejor, pa mi gusto, comprar una casina y arreglala. La faes a tu gustu, como te dé la gana, con munches coses y por la mita de preciu. Pero bueno, ellos sabran lo que faen.

Ya os iré contando lo que ocurre por aquí. Darevos noticies pa que sepáis como transcurre la vida en mi pueblu. Y, según me acuerde, contarevos coses que pasaron va tiumpu. Entretanto y pa que nos os aburrais, contarevos tamien coses mies que se me ocurren o que me pasen.

Pero tampoco quiero que reconozcáis a naide ni naide se siente aludiu. Nun voy deciros el nombre del pueblo ni si ta en cataluña o en Asturies. Mañana a ver si tengo tiempu y os escribo algo. Voy echame un poco, que creo que algún culete de sidra que me tomé hoy nun me sentó muy bien.

2006-06-19T11:18:00.000-07:00

Esto ye la hostia !!!. Acuérdome yo cuando aprendí a escribir, aprendiome Xavierin, como a casi tos los del pueblu, con una pizarra y pizarrín. Y, mírame tú ahora, metiu en el interné y publicando. Pero yera más fácil con el pizarrín... Joder, con tantes letres en esti chirimbolu cuéstame un güevu facer na.

Hay veces que me confundo y póngome con el pañuelu a borrar lo que escribí... deben ser vicios que tengo de pequeñu. Jejeje, y también agacho un poco la cabeza, nun sea que Xavierin me dé una colleja como solía facer cuando ponías algo mal. Seguro que si el "Gochu" va a la biblioteca del pueblo y alguien le enseña esto, iba reise un montón... Bueno, si nun dai mal ver tantos llibros juntos. Voy ver si como un chorizín de casa que tengo por ahí. Déjolo un poco porque ya toi un poco cansau. A ver si lluego sigo. Ta luego.

2006-06-19T11:11:00.000-07:00

Ya...? ya pueo escribir algo...?. Eh, paisanos, nun me conoceis...?. Que soy yo, el Xervasiu, que tengo una pagina web; bueno, ye un bloc o algo así.
Bueno, que quiero saludavos a tos: a pepín, a tinin el trapero, a xuacu, al poti, a marisona, a santi y bueno, a tos en xeneral.

Voy ver si esto funciona...